Sector moch - CLA Cymru yn galw am gamau'r Llywodraeth ddatrys argyfwng y gadwyn gyflenwi ac atal ailadrodd

Mae CLA Cymru yn galw ar Lywodraeth Cymru a Llywodraeth y DU i gamu i mewn a chefnogi'r sector amaethyddol oherwydd prinder presennol y gadwyn gyflenwi llafur, yn enwedig y sector moch sy'n profi ôl-groniad prosesu difrifol.

Dywedodd Dirprwy Lywydd CLA, Mark Tufnell:

“Mae'r prinder llafur presennol yn cael effaith ddigynsail ar gadwyni cyflenwi.

“Yn y sector moch yn benodol, mae'r materion cyflenwi llafur mewn gweithfeydd prosesu porc yn destun pryder difrifol. Mae'r ôl-groniad hwn yn achosi materion lles anifeiliaid ac yn economaidd anffafriol ac yn hynod ofidus i'r ffermwyr a'r moch. Rydym yn annog y llywodraeth i weithredu'n gyflym ar y galwadau am gynllun adfer fisa Covid i helpu i leddfu'r prinder llafur presennol.

“Rydym wedi gweld y llywodraeth yn camu i mewn yn gywir i gefnogi'r sector dofednod ond mae angen iddi weithredu i helpu pob sector amaethyddol sy'n profi materion tebyg yn y gadwyn gyflenwi.

“Dylai Llywodraeth Cymru weithio'n agos gyda Llywodraeth San Steffan i ddiogelu a sicrhau cynhyrchiad bwyd ym Mhrydain ar yr adeg dyngedfennol hwn. Yn y tymor hwy dylai gyflwyno mesurau sy'n sicrhau na ellir ailadrodd y materion sy'n cael eu profi ar hyn o bryd.”