Amser i flaenoriaethu troseddau gwledig
Gwneud troseddau gwledig yn brif flaenoriaeth cyn etholiadau lleol, meddai CLA
Mae Cymdeithas Tir a Busnes y Wlad (CLA) yn annog ymgeiswyr Comisiynydd yr Heddlu a Throseddu (PCC) i wneud mwy i amddiffyn cymunedau gwledig rhag troseddu.
Mae'r grŵp, sy'n cynrychioli 28,000 o ffermwyr a rheolwyr tir ledled Cymru a Lloegr, wedi ysgrifennu at bob ymgeisydd yn gofyn iddynt gefnogi pum cynnig allweddol cyn yr etholiadau ar 6 Mai.
Pum gofyn allweddol CLA
Dywedodd Mark Bridgeman, Llywydd y CLA:
“Mae troseddau gwledig yn parhau i ddinistrio ein cymunedau sydd mor aml yn cael eu bygwth a'u dychryn gan droseddwyr dideimlad.
“Ond yn yr etholiad hwn mae gan ymgeiswyr PCC gyfle euraidd i ddangos eu bod o ddifrif ynglŷn â diogelu cymunedau gwledig drwy gyllid wedi'i dargedu ac addasu plismona ar gyfer ardaloedd gwledig.
“Er bod rhai heddluoedd wedi rhoi hwb i'w hymdrechion i fynd i'r afael â throseddau gwledig, mae llawer yn cael adnoddau digonol.”
Yn ôl adroddiad diweddar, mae 69% o ffermwyr a pherchnogion busnesau gwledig wedi dioddef trosedd dros gyfnod o 12 mis.
Ac mae'r CLA yn amcangyfrif bod effaith ariannol cyfartalog troseddau gwledig fesul digwyddiad yn costio bron i £5,000.
Ychwanegodd Mr Bridgeman:
“Gyda'r etholiadau wythnosau i ffwrdd, mae'n hollbwysig bod PCC yn deall y difrod ariannol a seicolegol a achosir i ddioddefwyr troseddau mewn ardaloedd gwledig, ac yn datblygu strategaeth ystyrlon i'w leihau.
“Dylai unrhyw ymgeisydd sy'n werth ei halen gefnogi ein maniffesto, ac addo gweithio gyda ni i wneud ein cymunedau yn fwy diogel.”
Darllenwch maniffesto'r CLA yma