Etholiad cyffredinol 2024: mae angen cynllun ar y gymuned wledig, meddai CLA
Mae'r CLA yn ymateb i newyddion gan Lywodraeth y DU y cynhelir etholiad cyffredinol yn ystod haf 2024
Yn dilyn llawer o ddyfalu ynghylch pryd y bydd, cyhoeddodd y Prif Weinidog Rishi Sunak heddiw mai 4 Gorffennaf 2024 yw'r dyddiad pan fydd yr etholiad cyffredinol nesaf yn digwydd.
Cyn i'r DU fynd i'r polau er hynny, mae'r CLA yn galw am bob plaid i rymuso'r economi wledig drwy gofleidio'r gymuned wledig.
Dywedodd Llywydd Cymdeithas Tir a Busnes y Wlad (CLA), Victoria Vyvyan:
“Mae pobl sy'n byw yng nghefn gwlad eisiau rhedeg busnesau, creu swyddi a thyfu'r economi ond ers degawdau, mae llywodraethau o bob lliw wedi trin ardaloedd gwledig fel amgueddfa, gan fethu â chynhyrchu'r amodau angenrheidiol ar gyfer twf.
“Mae angen i bob plaid brofi ei fod yn cyfateb i'r uchelgais, y ddawn, yr ethig waith a gwerthoedd y gymuned wledig.
Nid ydym am gael geiriau braf, mae arnom eisiau cynllun, ac ymrwymiad i gyllideb realistig ar gyfer dyfodol amaethyddiaeth
“Bydd pa blaid bynnag sy'n cynhyrchu cynllun cadarn ac uchelgeisiol ar gyfer twf yn yr economi wledig yn sicrhau cefnogaeth, ac mae'r CLA yn barod i weithio gyda nhw i ryddhau ei botensial llawn.”