Mae angen i'r Prif Weinidog newydd, Vaughan Gething ailosod y berthynas â'r Gymru wledig, meddai CLA

Mae'r CLA wedi annog Prif Weinidog Cymru newydd i ailosod y berthynas â sector gwledig Cymru.

Enillodd Vaughan Gething etholiad arweinyddiaeth Llafur Cymru dros y penwythnos gyda 51.7% o'r bleidlais, gan guro ei wrthwynebydd Jeremy Miles. Bydd yn cymryd lle Mark Drakeford yn y rôl, sydd wedi dal y rôl ers 2018.

Dywedodd Cyfarwyddwr CLA Cymru, Victoria Bond:

“Rydym yn croesawu Vaughan Gething i'w rôl newydd ac edrychwn ymlaen at gydweithio ar adeg mor hanfodol ar gyfer ffermio a'r economi wledig yng Nghymru.

“Mae angen i Mr Gething ailosod y berthynas â gwledig Cymru. Rydym am barhau i fwydo'r genedl, rydym am dyfu'r economi a chreu swyddi da - ond ni allwn wneud hynny ar ein pen ein hunain. Mae angen llywodraeth arnom sy'n parchu'r traddodiadau ac yn rhannu uchelgeisiau ein cymunedau gwledig.

“Wrth i adroddiad nodedig Grŵp Trawsbleidiol y Senedd ar gyfer Twf Gwledig ddod i ben yn gynharach y mis hwn, mae cynhyrchiant economaidd parhaus isel yn rhwystro busnesau gwledig ledled Cymru.

“Mae ffermwyr, tirfeddianwyr a busnesau gwledig yn ddeinamig ac yn flaengar, yn helpu i fwydo'r genedl, creu swyddi, adeiladu cartrefi, ymladd yn erbyn newid yn yr hinsawdd a gofalu am yr amgylchedd. Gyda'r gefnogaeth a'r uchelgais iawn gellir datgloi potensial llawn cefn gwlad Cymru.”

Daw'r newid mewn arweinyddiaeth ar adeg dyngedfennol i'r economi wledig yng Nghymru, gyda nifer o brotestiadau ac arddangosiadau ffermio wedi'u cynnal y tu allan i'r Senedd ac mewn mannau eraill yn ystod yr wythnosau diwethaf.

Mae llawer o'r pryder yn canolbwyntio ar y Cynllun Ffermio Cynaliadwy arfaethedig, a fyddai'n gorfodi ffermwyr i ymrwymo i gael coed ar 10% o'u tir, a chlustnodi 10% arall fel cynefin bywyd gwyllt.

Ganwyd Mr Gething yn Zambia, lie yr oedd ei fam yn ffermwr cyw iâr, a'i fagu yn Dorset. Cafodd ei addysg ym mhrifysgolion Aberystwyth a Chaerdydd, ac roedd yn gyfreithiwr a chyn-bartner yn Thompsons.